|
Tekst: Frode Verpe, Foto Simen Haughom
17. mai, Noregs nasjonaldag, er rett rundt hjørnet og som vanleg vert dagen feira med arrangement fleire stader i kommunen. Engasjerte medlem i 17. mai-komiteane har sett saman flotte program for den store festdagen. Programma for Tonstad, Sinnes og Øksendal kan du lese noko lenger ned på denne sida.
I år er det 210 år sidan Noregs grunnlov vart underteikna på Eidsvoll. Det gjekk likevel noko tid før dagen vart feira på det viset han vert i dag. Riktig nok var det einskilde markeringar av grunnlovsdagen i 1820-åra, men den svensk-norske kongen, Carl Johan likte det dårleg. Han oppfatta det som ein provokasjon mot Sverige og kongefamilien, og i 1828 la han ned eit ettertrykkeleg forbod mot å feire 17. mai.
Slike forbod manar sjølvsagt til motstand. I åra som følgde vart det difor stadig vanlegare å markere 17. mai i opprør mot den svenske kongen. Det gjekk så langt at kongemakta satt inn militærstyrker med sverd og sablar for å spreie dei feirande i hovudstaden i 1829.
Det var først etter at kong Carl Johan døydde i 1844 at dagen vart feira fritt over heile landet. I år er det 180 år sidan. Sidan då har 17. mai vore ein festdag for alle og ei viktig markering av Noregs sjølvstende, fridom og demokrati.
Program for dagen
Tonstad
| 08.00 | Flaggheising ved kommunehuset |
| 10.00 | Festgudsteneste i Tonstad kyrkje |
| 11.00 | 17. mai-toget startar frå kyrkja |
| 11.15 | Toget stansar ved Sirdalsheimen Appell v/Olha Yutovets (Ukraina) |
| 12.00 | Ankomst Sirdal kulturhus. Informasjon om dagens program 1-4 klasse (Tonstad skule) synger |
| 12.15 | Leiker for barn. |
| 12.30 | Tale for dagen ved Wenche Hatice Cakir (9. klasse) |
| 12.45 | Natursti for heile familien. |
| 13.45 | «Andeløp» og oppstart Bilrebus. |
| 15.00 | KAHOOT i kinosalen |
Andeløp: kr. 50 per and (start salg 1 uke før 17. mai). Premie: kr. 5 000 til vinnaren.
Bilrebus: kr. 50 per passasjer (Ideal veivalg, 10 poster) Premie: 2 gavekort a kr. 1 000
Tonstad IL har sal av grillmat, pølser, is, brus, kaker og kaffi.
Leder for 17. mai-komiteen: Børge Aamlid
Sinnes
| 11.00 | Velkomen – oppstilling til tog Tog |
| Etter tog: | Appell ved Signe, leiar av elevrådet. Song: «Ja, vi elsker dette landet». |
| 12.10 | Barneleker, hoppeslott og natursti. |
| 13.30 | Mat og kaker i gymsalen. |
| 14.30 | Tale for dagen ved Roger Grubben. Song. |
| 15.30 | Kåring av vinnar, natursti. |
Andeløp: kr. 50 per and (start salg 1 uke før 17. mai). Premie: kr. 5 000 til vinnaren.
Bilrebus: kr. 50 per passasjer (Ideal veivalg, 10 poster) Premie: 2 gavekort a kr. 1 000
Tonstad IL har sal av grillmat, pølser, is, brus, kaker og kaffi.
Leder for 17. mai-komiteen: Børge Aamlid
Øksendal
| 13.30 | Samling på Øksendal skule. Lapskaus, kaffi og kaker. Sal av pølser, is og brus. Leikar for born og vaksne. Sporleik. |
Entre: Vaksne 150 kr / born 50 kr / familie 350 kr. Betaling med kontant eller Vipps.
